មកតារាថៃ ប្រើសុទ្ធរថយន្តស៊េរីកប់ៗ

មនុស្សម្នាក់ៗមានរសនិយម និងស្ទីលរបស់ខ្លួនប្លែកៗគ្នា។ និយាយតែពីឡានរបស់តារាថៃ អ្នកខ្លះស្រលាញ់ឡានស្ព័រ ខ្លះទៀតចូលចិត្តឡានបែបបុរាណជាដើម។ ទោះជាយ៉ាងណា សព្វថ្ងៃនេះ រថយន្តម៉ាកដ៏ល្បី Porsche ដែលមានតម្លៃរាប់លានដុល្លារ កំពុងតែទទួលការនិយមយ៉ាងខ្លាំងពីសំណាក់តារាល្បីៗនៅប្រទេសថៃ។ ចង់ដឹងថារថយន្តទាំងនោះឡូយប៉ុនណា តោះ! ទៅមើលជាមួយគ្នា!

១. DJ Nui

អ្នកខ្លះយល់ថា យើងគូរតែមានកាដូផ្ដល់ឲ្យខ្លួនឯង នៅពេលដែលយើងខិតខំធ្វើការ។ ជាក់ស្ដែង កាដូដ៏អស្ចារ្យ ដែលDJ Nuiផ្ដល់ឲ្យខ្លួនឯងគឺ រថយន្តដ៏ទំនើបម៉ាកPorsche 718 Cayman។ វាជាម៉ូដរថយន្តស៊េរីថ្មីបំផុត ដែលមានតម្លៃមិនក្រោម ៧លានបាតទេ។

២. DJ Eke DJ Ekeក៏ប្រើឡានស៊េរីដូចDJ Nuiដែរ គឺម៉ាក Porsche 718 Cayman។ តែតារារូបនេះ ជ្រើសរើសយកពណ៌ស។

៣. New Davi សេដ្ឋីនីវាល់លាន Davi តែងមានកម្មវិធីស្ទើរមិនលោះថ្ងៃ ដូចជាត្រូវចេញទៅថតជាដើម។ ដោយសារតែបែបនេះ ម្ដាយនាងក៏ផ្ដល់កាដូ ឡានដែលDaviតែងស្រមៃចង់បាន ។ វាគឺម៉ាក Porsche Cayman។ ដូចដែលដឹងស្រាប់ហើយថា តម្លៃរថយន្តប្រភេទនេះ គឺមិនក្រោម ៩លានបាតទេ។

៤. Am Patcharapa ទោះជានៅផ្ទះ Amមានរថយន្តជាច្រើនយ៉ាងណា តែរថយន្តដែលកំពូលតារាសម្ដែងថៃរូបនេះ ប្រើជាប្រចាំគឺម៉ាកPorscheដែលជាម៉ាកដែលអ្នកស្រលាញ់រថយន្តគ្រប់គ្នាប្រាថ្នាចង់បាន។