វិធីផ្ស៉ាំមែកស្វាយមិនចាំបាច់កាប់ដើមចោលទាំងអស់ទេ វិធីនេះហៅថាវិធីផ្ញើពោះ (មានវីដេអូ)

បាទនេះគឺជាវិធីផ្សាំមែកស្វាយមួយបែបទៀតដែលយើងមិនចាំបាច់កាប់ដើមចោលទាំងអស់ទេវិធីនេះហៅថាវិធីផ្ញើពោះ មេចបានគេហៅថាផ្ញើពោះមូលហេតុគឺដើមចាស់វាលែងឲ្យផលច្រើនទៀតហើយតែវានៅមានកំលាំង អាចចិញ្ចឹមដើមផ្សេងដែលអាច ឲ្យផលច្រើនបានដោយផ្ញើឲ្យវាចិញ្ចឹមមែកពូជ១ទៀត ហៅថាវិធីផ្ញើពោះ

របៀបធ្វើគឺ

១. ជ្រើសរើសមែកពូជល្អដែលត្រូវយកមកផ្សាំប្រវែង ៨ហ៊ុន ២. រើសយកមែកដើមចាស់ដែលចង់ផ្សាំ

៣. ឆូតមែកចាស់ពីលើចុះក្រោមពីឆ្នូតប្រវែង២ហ៊ុន កន្លះទទឹង ១ហ៊ុនរួចហើយបកវាចេញឲ្យផុតស្នូលមែកកាត់សំបកនោះចេញ១ហ៊ុន ៤. ចិតមែកពូជល្អបញ្ឆិតដោយឲ្យ១ចំហៀងវែងនិង ១ចំហៀងទៀតចិតបន្តិចបានហើយ ៥. ដោតមែកពូជល្អចូលទៅរួចរុមដោយស្គត់ថ្លាឲ្យ ជិតទុកចោល១៤ទៅ១៥ថ្ងៃវានិងចេញត្រួយហើយ(សង្កេតពេលវាចេញត្រួយយើង​ គួយកចុងកាំបិតវះស្គត់បង្ហើបដើម្បីឲ្យវាលាស់ស្រួល)បញ្ជាក់មិនចាំបាច់ស្រោចទឹកទេ

ខ្ញុំសង្ឃឹមថានិងបងៗកសិករយើងអាចធ្វើបាន

✘... ជូនពរឲ្យធ្វើបានគ្រប់ៗគ្នា..ពីខ្ញុំ..វុទ្ធី....